作词 : 旦巴达杰
作曲 : 旦巴达杰
འཁྲུལ།
ཚིག། རྡོ་བསྟན་པ་དར་རྒྱས།
དབྱངས། རྡོ་བསྟན་པ་དར་རྒྱས།
གཞས་མ། ཧོར་གཙང་ལྷ་ལུང་འཚོ།
སྤྱན་གྱིས་མཐོང་བ་མེད་ན།།
སེམས་ནས་དྲན་ས་མ་རེད།།
ལག་ལ་ཐོབ་ནས་མེད་ན།།
ཡིད་ཆེས་ཐུབ་ས་མ་རེད།།
མི་སེམས་མི་སེམས་ཟེར་བ།།
འཁོར་བ་འཁོར་བའི་གཞི་རེད།།
མི་ལུས་མི་ལུས་ཟེར་བ།།
སྐྱེ་ནས་འཆི་བའི་རང་བཞིན།།
སྐད་གྲགས་ཆུ་རིས་གཉེར་མ།།
གཅིག་རྗེས་གཅིག་གི་ཡལ་འགྲོ།
སྐྱིད་སྡུག་དཔྱིད་ཆར་བབས་བབས།།
རྟག་བསམས་ཡིད་ལ་མ་འཆར།།
དེ་རིང་ལམ་གྱི་སྣེ་མོ།།
སང་ཉིན་སྒུག་པའི་ཉི་མ།།
རྒྱུ་འབྱོར་འོད་ཀྱི་ཟེགས་མ།།
རང་སེམས་འཁྲུལ་བའི་གཞི་རེད།།